Banaan bax rabshado watay oo maanta mar kale ka dhacay magaalada Baladweyne (Sawirro)

0
18

Waxaa maanta mar kale magaalada Baladweyne ee xarunta gobolka Hiiraan ka dhacay banaan bax rabshado watay oo looga soo horjeeday Maamulka cusub ee Hirshabelle ay hogaamiyaan Cali Guudlaawe iyo Yuusuf Dabageed.

Shacabka magaalada Baladweyne ayaana isugu soo baxay wadooyinka magaalada Baladweyne, dadkan ayaana ka careesnaa dhalinyaro iyo wariyaal kamid ah dadka degan magaalada oo xabsiga la dhigay.

Banaan baxayaasha ayaa ku dhawaaqayay ereyo ka dhan ah maamulka Hirshabelle, waxa ayna ku baaqayeen in xabsiga magaalada Baladweyne laga sii daayo dhalinyarada iyo dadka kale ee ciidamada xir xireen.

Magaalada Baladweyne ayaa maalmihii lasoo dhaafay waxaa ka socday banaan baxyo rabshado watay oo looga soo horjeeday maamulka Hirshabelle , waxaana shacabka magaaladasai kunool si weyn uga soo horjeedaan maamulka cusub ee Hirshabelle.

LEAVE A REPLY

Please enter your comment!
Please enter your name here