Faahfaahin: Dagaalo culus oo ka dhacay Buur-dhuubo iyo Saraakiil ka hadashay

0
24

Ciidamada Xooga dalka ee ku sugan degmada Buurdhuubo ee gobalka Gedo ayaa fashiliyay weerar ay magaaladaa ku soo qaadeen kooxda Al-shabaab sida uu sheegay Taliyaha amniga magaalada Buurdhuubo Nuur Kediye Ibraahim

Hawlgalkaas ayuu taliyuhu sheegay iney ka hor tageen ururka 48-aad ee ciidanka xoogga dalka, isagoo xusay iney u gaysteen khasaare kale duwan.

Taliyaha amniga magaalada Buur-dhuubo Nuur Kediye Ibraahim ayaa intaas ku daray in howlgalkan uu ahaa mid lagu baacsaday cadowga, isla markaana ay ku mashquulsan yihiin raadinta khasaaraha dhabta ah ee Al-Shabaab gaaray.

Sidoo kale wuxuu tilmaamay in uusan jirin wax khasaare ah oo hawl-galkaas kasoo gaaray ciidamada xooga maadaama ay markii horeba ciidanku hayeen xogta tilmaamaysa in cadowgu ay qorshaynayeen inay soo weerarayaan ciidanka sida uu yiri.

Ma jiraan warar madax banaan oo ka hadlaya dagaalada ka dhacay degmada Buurdhuubo ee gobolka Gedo, Al-shabaabna wax war ah dhinacooda kama soo saarin.

LEAVE A REPLY

Please enter your comment!
Please enter your name here