Farmaajo oo u sheegay beelaha degan Muqadisho in dhibka ka jira caasimadda uu mas’uul ka yahay Kheyre! (Xog)

0
134

Kulan uu shalay  MW Farmaajo  la qaatay odoyaasha dhaqanka ee beesha Habargedir ayuu ku sheegay in dhibaatada ka jira Magaalada Muqadishu  uusan isagu wax shaqo ah ku lahaynin. Farmaajo oo ka jawaabayay eedeyn ay u soo jeediyeen odoyaasha dhaqanka  taas oo ahayd inuu isaga soo amray dagaalka lagu qaaday shacabka ku dhaqan Koonfurta Magaalada Muqadishu ayuu yiri “…aniga ma soo amrin, ma aqaan meesha laga soo amray, anigana raali kama ihi weerar nocaas ah, dad kale oo dano kale leh ayaa arintaas ka danbeeyay”.




Hadalka Farmaajo ayaa fajac ku noqday odoyaashii la kulmay Farmaajo. Waxa ay isweydiiyeen sidee bay suuragal ku tahay in Farmaajo uusan la socon dhibkii loo gaystay dadka ku dhaqan koonfurta Muqadishu?.

Odoyaasha Dhaqanka  ayaa hadalka ka soo yeeray Farmaajo u arkay in uu yahay mid uu eeda dusha ka saarayo Xassan  Cali Kheyre madaama ciidanka weerarka soo qaaday ay hoos yimaadaan Xassan Kheyre.



Xassan Kheyre ayaan marnaba ka hadlin dagaalka gardarada ah ee lagu soo qaaday dadka shacabka ah taas oo u muuqato in ay cadayn u tahay in Xassan Kheyre mas’uul ka yahay jariimada loo gaystay dad shacab ah.

Waa markii u horeeysay uu Farmaajo si toos ah farta ugu fiiqo Xassan Kheye kuna eedeeyo in uu dagaal ka dhex oogayo beelaha ku dhaqan Magaalada Muqadishu.  Xildhibaan Axmad Fiqi oo horay uga hadalay  idaacadaha Muqadishu ayaa ku tilmaamay  Xassan Kheyre in uu yahay  aalad loo isticmaalo dadka reer Muqadishu kaas oo fuliya qorshaha uu Farmaajo ku beegsanayo dadka Muqadishu.



LEAVE A REPLY

Please enter your comment!
Please enter your name here