Mukhtaar Rooboow oo mar kale guddoomay Shahaatadda Musharaxnimada madaxweynaha Koonfur Galbeed

0
264

Guddiga doorashada Madaxweynaha Koonfur galbeed ayaa maanta ka bilaabay magaalada Baydhabo diiwaan gelinta musharaxiinta u taagan doorashada Madaxweynaha cusub ee maamulkaas.

Musharaxiin dhowr ah oo buuxiyey shuruudaha doorashada ayuu maanta guddiga doorashada gudoonsiiyey shahaadada rasmiga ah ee musharaxnimada.

Waxaa ka mid ahaa Musharaxiintaas Mukhtaar Roobow Abuu Mansuur oo shahaadadiisa loo cusbooneysiisay maadaama uu iscasilay guddigii hore ee doorashada oo horey shahaado noocan u siiyey.

Xubnaha kale oo maanta la siiyey Shahaadada waxaa ka mid ah Aadan Maxamed Nuur (Saransoor) oo si rasmi ah uga mid noqday musharixinta u taagan doorashada Koonfur Galbeed.

Diiwaangelinta Musharaxiinta doorashada KG ayaa ku’eg maalinta beri ah oo ku beegan 26-ka Novembar sida ku cad jadwalka guddiga doorashada, iyadoo 5ta bisha soo socota la qaban doono doorashada.

LEAVE A REPLY

Please enter your comment!
Please enter your name here